تعليقان على “عجب!

  1. AMSACHANNEL

    هي و الله دوم أقول هالكلام، الصيام مب بس تجويع البطن، أو من يختم قبل أو كم عدد الختمات

    شوفي أنا برمس وايد لأنه أحتــاج أرمس في هالموضووع ههههه ..

    أنا عندي رمضان السنة غير

    رمضاني السنة، تغيير الأخلاق للأفضل، حتى الإبتسامة تزيد عن كل مرة و بالذات في الدوام ..

    العفو قد ما أقدر، أحاول إني ما أعصب و أخلي أعصابي في ماي مثلج مب بارد ..

    ما أودر الأشياء اللي كنت أسويها قبل رمضان و طبعا إيجابيه منها الرياضة، يعني أول ما سرت في رمضان أسوي رياضة صح كان متعب بس الأجانب كانو يبون يعرفون هل نقدر نمارس الرياضة أو لا ف تحسين كانوا يستغربون من المسلمين يسوون رياضة و هم صايمين، و لا كأنه فيهم شي .. و حتى وحدة من المدربات كانت تقولي تعالي عقب الفطور مب قبل الفطور و أنا أضحك و أقوولها عادي ترا الصيام مب عائق ..

    تخيلي الحين إدرب وحده و هي عربية مسلمة يوم تتعب تقوولها لازم ما تتعبين تشووفين هذي تي من بداية رمضان و تسوي رياضة عادي ههههههه ..
    يعني غيرت الفكرة اللي ماخدتنها عن الصيام .. هم كانوا يعتقدون إنه مانقدر نمارس الرياضة و إنه الصيام ممكن يعيق أشياء لكن طلع العكس …

    ثاني شي الدواااااااام و هذا الأهم، ما أسير و أنا إمبوزه و مادة البوز، بالعكس أحاول أضحك و أرمس و أسولف ..

    لازم قبل لا نفكر إنه الصيام هو تجويع فقط نفكر إنه الصيام هو تنظيم و تخليص الجسم من السمووم فهاي فرصة لكل سمين يبغي يتخلص من وزنه و لكل شخص يحاول يخلص جسمه من الأمراض و كل وحده تحاول تغير بشرتتها إلا الأحسن ..

    رمضان تنظيف الأموال تصدقوا و تصدقوا و تصدقوا و لا تشووفوون كم تصدقتواا والله الصدقة تبارك في البيزات، و يوم تشوفين بوكج تشووفين إنه فيه بيزات تقولين ياربي أنا صارفة كيف جي بكل بساطة لأنج تصدقتي بدون ما تحاسبين و ربج بارك لج ..

    فطر عايلة فقيرة و هم مايعرفون منوا إنته، و خصص مرة في الإسبوع أو مرتين إنك تأكل عايلة مثل ما إنته تاكل، تشتري عصاير حلوة، سندويشات جبن و عسل، كيس شكر و قوطي جاهي حلويات أو مكسرات .. و حطه عند الباب و روح أو راقب الإبتسامة بعد مايشوفون الكيس إذا كنت مهمووم .. راحة ما بعدها راحة ..

    أو فطر شخص ب 10 دراهم بس

    رمضاني السنة غير الحمد الله ما قمت أشوف مسلسلات نفس قبل بس واحد مع برنامج واحد ..
    الصيام صحة للبدن و العقل و الجوارح ..

    و صدقتي ليتهم يعون أن الصيام لا يعني فقط أن تجوع أجسادهم ..

  2. ♣ S.A.R.A.H ♣ كاتب الموضوع

    حكيتي ما بقلبي كله ، لم أجد ما يمكنني إضافته .. أشكرك ، وممتنة لإثرائك تدويناتي يا صديقة ()
    أعاد الله علينا هذا الشهر الفضيل أعوامًا مديدة .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *